تعليقات على مباراة مصر و غانا ....
البرادعى : هزيمة مصر من غانا 6/1 لا يعبر عن طموح الشعب
المصرى و كأن ثوره لم تقم و كأن فريقاً لم يلعب
صباحى : اطالب الاتحاد الافريقى مباراه فاصله مبكره
حمزاوى : المباراه بها عوار دستورى و النتيجه لا تعبر عن سير المباراه
الحكومه المصريه : لن نعترف بنتيجة المباراه حتى تعترف غانا بالانقلاب
الــ C C : غانا خدت الكوره معاها فوق و غعاباسلغليلف
حركة 6 ابريل : هو المنتخب ايه اللى وداه هناك اصلا
تامر بتاع غمره : اصلا منتخب غانا كان بيتكلم فرينش لانجويتش
احمد اسبايدر : دى مؤامره صهيونيه امريكيه للاطاحه بمصر
منصور العيسوى : مكنش فيه ماتش اصلا
معنصمى رابعه : ماتش دا و الا اغتصاب ؟
التليفزيون المصرى : كالعاده الجزيره تضلل الشعب المصرى و تزيف نتيجة المباراه
و النتيجه الحقيقيه 13 / 0 للمنتخب المصرى
الجمهور المصرى : نطالب باستدعاء المخرج خالد يوسف لاخراج فيلم الطوبه جيت فى راسى لاعادة المباراه
طلعت زكريا : الماتش كان فيه ترقيص و اجوان و تزحيف و كبارى و علاقات كرويه كامله
منصة رابعه : عاوزين اسعاف ورا الملعب
احمد موسى : فيه كوره ارضيه فى ملعب كوماسى و 6 اهداف كيماويه
عكاشه : يا برادعى لو قلتلى اسماء الجمهور الثلاثيه واحد واحد هرشح فى انتخابات الرئاسه
برهامى : المنتخب المصرى هزم بما لا يخالف شرع الله و رضى بالهزيمه القاسيه حقنا للدماء
عمرو اديب : نتيجتكم بنت ستين كلب
محمود سعد : احنا لازم نحصن لاعبى المنتخب فى الدستور و نحافظ عليهم من الهزايم دى
على جمعه : لاعبى غانا خوارج اصلا عالم نتنه ريحتهم وحشه المفروض ندبحهم و نكسب الماتش
الاخوان : مبارك صاحب صفر المونديال و السيسى صاحب سته واحد
جمهور الزمالك : ربنا بنتقم منكم عكننتو علينا و فكرتونا بالذى مضى
عمرو مصطفى : كل الاجوان بتاعة غانا اجوانوشوب
قناة الجزيره : منتخب غانا خد منتخب مصر ورا مصنع الكراسى
حازم ابو اسماعيل : انا سعيد جدا بالنتيجه دى
عبده الكرف : الفوز راح زمانه و الهزايم خدت مكانه
الامارات : تستدعى سفيرها لدى غانا للاعتراض على نتيجة المباراه
الاتحاد الغانى : لكل واحد منعرفش اسمه و لا سنه و شكله لكن كل اللى نعرفه اننا بنديله
بالسته نحب نقوله تاخد كمان ؟ تاخد كمان ؟ تاخد كمان و فين ؟
